|
сизларга лойдан қуш тимсолини ясаб унга пуфласам, у Аллоҳнинг изни-иродаси билан ҳақиқий қуш бўлади“. [3:49]
У кишини ўлдирмоқчи бўлганларида бошқа одам уларнинг кўзига пайғамбар бўлиб кўринди. Аллоҳ уларга Ўз пайғамбарини ўлдиришларига, осишларига имкон бермади ва у зотни Ўзи томон кўтариб олиб чиқиб кетиб, уларнинг ёмонликларидан нажот топтирди.
وَقَوْلِهِمْ إِنَّا قَتَلْنَا الْمَسِيحَ عِيسَى ابْنَ مَرْيَمَ رَسُولَ اللّهِ وَمَا قَتَلُوهُ وَمَا صَلَبُوهُ وَلَـكِن شُبِّهَ لَهُمْ وَإِنَّ الَّذِينَ اخْتَلَفُواْ فِيهِ لَفِي شَكٍّ مِّنْهُ مَا لَهُم بِهِ مِنْ عِلْمٍ إِلاَّ اتِّبَاعَ الظَّنِّ وَمَا قَتَلُوهُ يَقِيناً ٭ بَل رَّفَعَهُ اللّهُ إِلَيْهِ وَكَانَ اللّهُ عَزِيزاً حَكِيماً
– „Аллоҳнинг пайғамбари бўлган ал-Масиҳ Исо бинни Марямни «бизлар ўлдирганмиз», деган сўзлари сабабли (Биз уларни лаънатладик). Ҳолбуки, улар уни ўлдирганлари ҳам, осганлари ҳам йўқ. Фақат улар учун (бошқа биров Исога) ўхшатиб қўйилди, холос Албатта, Исо ҳақида талашиб-тортишган кимсалар унинг (ўлдирилган-ўлдирилмагани) ҳақида шубҳада қолганлар. У ҳақда фақат гумонларга бериладилар, холос. Уни ўлдирмаганлари аниқдир. Балки уни Аллоҳ ўз ҳузурига кўтаргандир. Аллоҳ қудрат ва ҳикмат эгаси бўлган Зотдир“. [4:157-158]
Исо а.с. асҳобларининг имони ҳам ўта ғаройиб бўлган.
«قُلْ كُونُوا كَأَصْحَابِ عِيسَى نُشِرُوا بِالْمَنَاشِيرِ وَحُمِّلُوا عَلَى الْخَشَبِ فَوَالذى نَفْسِى بِيَدِهِ لَمَوْتَةٌ فِى سَبِيلِ اللهِ خَيْرٌ مِنْ حَيَاةٍ فِى مَعْصِيَتِهِ»
«Исонинг саҳобаларига ўхшаган бўлинглар. Улар арралар билан арраланганлар, ўтинларнинг устларига қўйилиб, (ёқиб юборилганлар). Жоним Унинг қўлида бўлган Зотга қасамки, Аллоҳнинг йўлида ўлиш У Зотга гуноҳ қилиб яшагандан кўра яхшироқдир». 40
6- Пайғамбар с.а.в.нинг замонларида арабларнинг санъати, усталиги фасоҳатли гапириш бўлган. Энг ширин ва энг балоғатли гапларни айтиш билан ким ўзар ўйнардилар, анжуманлар ўтказардилар. Шунга кўра, Муҳаммад с.а.в.нинг мўъжизалари у кишига Аллоҳ Таоло томонидан нозил қилинган Қуръон бўлган. Худди ўша араблар ишлатадиган ҳарфлардан таркиб топган Қуръон ўзига ўхшаган бир сура келтиришларини айтиб, уларни мусобақага чақирган. Лекин улар бунинг имконини топа олмаганлар. Қуръон олдинига шу Қуръоннинг ўхшашини келтиришларини айтиб, беллашувга чақирган.
(40) Мўъжамус сағир: 749. Мўъжамул кабир: 9/20. Муснадуш шомийийн: 658.
74-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204